طريق خريص وجسر الخليج

السلام عليكم.
صباح الخير @ياوجيه الخير
لاوالله ماهوبتهويلن للامور إلا صدقت يابو هليل وإسألني انا اللي دايم اداوم
تحياتي لك ياعبد السلام ماقصرت وشف الانظباط هالحين ماشي لدوام عشان الزحمه ه؟

مرزوووق العـــــــــــــــوووني

ابلاغ

05:14 صباحاً 2006/09/19

دنيا يا دينا

زحمه يا دنيا زحمه زحمه يادينا زحمه كثير الناس كثير وا وعتبوا علينا الحبايب

عبدالله مبارك

ابلاغ

05:42 صباحاً 2006/09/19

الحل ازالة كبري الخليج وتحديثه

مشكور اخي عبدالسلام
الحل الوحيد فتح طريق محاذي لطريق خريص ومكه
وسبب الزحمه هو كبري الخليج ياليت يفكروا بأضافه مخرج منه
الى جه الشمال لعلى وعسى ان يفك الازمه
تصدق ان الزحمه تبدا قبل مخرج 13 وانت متجه غرب حتى تنزل من هالكبري

ابو نصار

ابلاغ

05:45 صباحاً 2006/09/19

الله يصلح الحال

مشكور اخوي عبدالسلام على هالكاريكاتير الرائع
مشكلة ازدحام الطرق الرئيسية في مدينة الرياض كل سنة تثار خصوصا بعد الاجازة
باختصار نحن نفتقد لخطة حالية عوضا عن التفكير في خطط مستقبلية لحل هذه المشكلة التي يعاني منها سكان الرياض
اتمنى من المسؤولين التعقيب والمتابعة وسرعة تنفيذ الحلول
لانه بصراحه الذهاب للدوام والعودة الى البيت اصبح هم كل موظف والله يكون بعون اللي عندهم طلاب وطالبات. الله المستعان

أخوك في الله

ابلاغ

05:46 صباحاً 2006/09/19

صباح الخير

الله يابو هليل اشااعه
ه
ويعطيك العافيه

نايف الزويمل

ابلاغ

05:54 صباحاً 2006/09/19

جسر الخليج وغيره يعني اللي دوامه ثمانية والمشوار لا يستغرق ربع ساعة لازم يصير يخرج من البيت الساعة سبعة الا ربع. على فكرة*** واذا كان المرور متواجد يخرج ستة ونصف؟؟؟!

ام سعد(منى)

ابلاغ

07:09 صباحاً 2006/09/19

الى متى

الى متى هالزحمة في جسر الخليج والمشكله الزحمه مو بسبب الدوامات لانو حتى الظهر والعصر والمغرب والعشاء الى الساعه 10:00 مساء تبدأ تفك الزحمه
والله معاناة للي يداوم وعلى طريقه جسر الخليج

محمد

ابلاغ

07:23 صباحاً 2006/09/19

سياسه

يسعدلي هالصباح يا عبدالسلام كالعاده مبدع مشالله عليك. والظاهر ان ابو دحيم ما يحب يتكلم بالسياسه

مشعل

ابلاغ

07:36 صباحاً 2006/09/19

ه...حلوه (اشاعه)
صبحك الله بالعافية كاركاتيرنا المبدع

بنان

ابلاغ

07:37 صباحاً 2006/09/19

هذي بالثمنيات

تسلملنا اناملك يبو هليل،،،
وانت (صاز )كني اشوف نفسي بينهم وعيوني نصها نوم،،،ه،،،

ابراهيم الشريف

ابلاغ

07:38 صباحاً 2006/09/19

فيه حل ؟

ليه الشكوى ؟
هو فيه حل ووزارة المواصلات لم تنفذه ؟
و زي إيش ؟

خالد عبد العزيز

ابلاغ

07:46 صباحاً 2006/09/19

الله يعيين على زحمات رمضان

من جد هالزحمات ترفع الضغط وتجيب الهم.. ياناس الرياض تجاوزت طاقتها الاستيعابيه.. بصراحة لازم يشوفون حل للهجره من مناطق المملكة المختلفه الى الرياض العاصمة !
بصراحه الحل الشامل والناجح هو وقف الهجره الجنونيه لمدينة الرياض ومحاولة اقناع السكان غير الاصليين بالعودة الى بلدانهم الاصليه.
لازم يكون هناك تنمية شاملة في كل مناطق المملكه من جامعات و مستشفيات وفرص عمل... مش معقول تكدس امة لا اله الا الله في مدينة وحده..
يارب الحكومه تشوف حل جذري لها الموضوع.. ولا فيه شي مستحيل مادام قائدنا قاهر المستحيلات ابو متعب الله يحفظه.
برب

ابو ناصر

ابلاغ

07:48 صباحاً 2006/09/19

تخيل يابوهليل اني اداوم يوميا ً من النسيم للعليا وبالتحديد شارع العليا العام
اطلع من البيت الساعه 6.30 صباحا ً.. وأوصل للدوام الساعه 7.30 أو 7.40 !!!
وانت جبتها بالصميم
لاعدمناك

منصور

ابلاغ

07:53 صباحاً 2006/09/19

ابتسم00 فأنت في السعووديه !!

زحمه تنكت أنت لابوهليل إلاوالله قل قامت حرب والله ياسالفتي سالفه مع هالزحمات خلني أشكيلك يابوهليل على الأقل أفضفض شوي!! أنا اول شي قلت على بالي تفتيش عند الاشارة..واذا وصلت لها (بعد ما انام واحلم ويخلص الحلم)اكون قريبه منها ولا يكون فيه اي تفتيش ولا شي بس هالشرطي مرتز وملبق هالسيارة بالعرض ويأشر بيده لفوا من الاشااره الثانيه (ياااربيه عقب ما وصلت للإشارة لا ماايصير كذا وش هالتلااعب بأحااسيس الناس ) (لا ماهقيت ان البراقع يفتنني)
مايدرون ان فيه محااضرات لازم نحضرها بدري ونركز(دوافيررر يااعاالم)
وان فيه دكااتره لازم نسبقهم للقاعه قبل مايدخل والا ترا مافيه حضوور
وياانااس تدرون عااد وش قانوووني دايما في الحياااة (ابتسم فأنت في السعووديه
وبعد.,., عندي كلاام بخاطري لك بقووله.,.,.,
بس خلاص اهم شي الزبدة وصلت والسؤال الذي يطرح نفسه الى متى هذه الزحمة؟
ha_378@hotmail.com

ولد العقــــــــــــــيل

ابلاغ

07:54 صباحاً 2006/09/19

الله يخارجنى

يعطيك العافيه اخوي الهليل ومشكور على هذا الابداع بعدين يخوي وش حل هال الزحمه هذا وحنى رجال بس اجل لونى مثل باقي الدول حريمهم مع رجالهم في ذا الشوارع كيف بتكون الزحمة ؟
مع تحياتي ابو طلال j.---.c@hotmail.com

ابــــــــــــــو طـــــــــلال

ابلاغ

08:20 صباحاً 2006/09/19

اسباب الزحمة

صباح الخير جميعا وخصوصا المبدع ابو هليل
اسباب الزحمة في الرياض :
1- تكدس الوزارات والدوائر الحكومية تقريبا في مكان واحد.
2- عدم استيعاب شبكة الطرق للسيارات الكثيره.
الحلول :
تفريق الدوائر الحكومية في مناطق الرياض الاربع شمال غرب شرق جنوب
2- بناء شبكة طرق مساندة وتوسيع الطرق الحالية وعلى راسها جسر الخليج
وطريق الملك فهد والدائري الجنوبي.

ماجد العتيبي

ابلاغ

08:38 صباحاً 2006/09/19

علي رأي أحمد عدوية.

زحمة يادنيا زحمة.
زحمة وزعلوا الحبايب.
زحما ولاعادش رحمة.
مولد وصاحبه غايب.
أجي من هنا زاااحمااه!!
أروووح هنا زاااحممماااه!!
هنا أو هنااك زااحمااه!!
زحمه يادنيا زحمه!
ياليت لو ظبطوا الجسر هذا. ما لحقنا منه خير.

أحمد محارب

ابلاغ

08:44 صباحاً 2006/09/19

الناس عندنا لو تشوف واحد مبنشر على خط الخدمة وقفة تناظره

أبو ريم

ابلاغ

09:02 صباحاً 2006/09/19

لا زحمة ولا شي

خلاص الواحد برمج نفسه على الزحمة ,يعني قبل لا تطلع ابلع حبة مهدئ وشغل اغنيه كلاسيك و روّق راح توصل بعد ساعه او ساعه الا ربع.
بس اهم شي الأخلاق.
أنا اقترح لو يقفلوا المداخل الفرعيه لجسر الخليج.

ماجد-خريج جامعي جديد

ابلاغ

09:10 صباحاً 2006/09/19

تخيل الرياض في سنة 2015

تخيل بس وش الحاله الى بتصير.في سنة 2015
* طريق الملك فهد
* طريق جسر الخليج
وا.إلخ من الطرق المزحومه والى يصعب جدا توسيعها أو إجاد أي حل لها !!
.كل التحيه والتقدير لك يا أبو هليل.

خالد - أمريكا

ابلاغ

09:15 صباحاً 2006/09/19